Дүрэм журам

Энэхүү гэрээгээр Премиум Бьюлдинг Материалс ХХК-тай гэрээ байгуулсан харилцагч нь цаашид /харилцагч гэх/ Central платформоор бетон зуурмагийн захиалга ѳгөх, баталгаажуулах, гүйцэтгэлийн явцад мэдээлэл солилцох, хяналт хийх, гүйцэтгэлийн тайлан мэдээ, харилцагчтай байгуулсан гэрээний биелэлт, төлбөрийн гүйцэтгэл талаархи мэдээлэл солилцоо, баримтжуулах хэрэгсэл болж харилцагчтай байгуулсан харилцааг зохицуулна. Дээрхи апплизейшнээр оруулсан мэдээ, мэдээлэл, баталгаажуулсан хүсэлт зэрэг нь нотлох баримт болон бүртгэгдэнэ.

Гэрээг байгуулж буй харилцагчийн аппликейшн ашиглах хэрэглэгч нь 18 нас хүрсэн, эрх зүйн чадамжтай, харилцагч байгуулагын эрх бүхий албан тушаалтан этгээд байна. Харилцагч аппликейшн ашиглах хэрэглэгчийн мэдээллээ албан бичгээр хүсэлт гарган өгөх бөгөөд уг албан бичигт хэрэглэгчийн овог нэр, албан тушаал, хэрэглэгчийн эрхийн тохиргоог тодорхой зааж өгсөн байна. Харилцагч аппликейшн нэвтрэх хэрэглэгчийн дансыг устгуулах, өөрчлөх болсон тохиолдолд албан бичиг эсвэл е-мэйл хаягаар хүсэлтээ хүргүүлж дээрхи хүсэлтийн дагуу холбогдох өөрчлөлтийг хийнэ.

Харилцагчийн эрх бүхий албан тушаалтан буюу хэрэглэгч нь аппликейшнд оруулах мэдээллээ үнэн зөв, бүрэн гүйцэт бөглөх захиалга өгөх үүрэгтэй бөгөөд алдаатай буруу мэдээлэл ирүүлсэн тохиолдолд гарсан үр дагаварыг Премиум Бьюлдинг Материал ХХК хариуцахгүй болно.

Premium Building Materials нь Харилцагчийн хийж буй гүйлгээг өөрийн техникийн хүчин чадлын хүрээнд түргэн шуурхай найдвартай гүйцэтгэх, системийн тасралтгүй, хэвийн, аюулгүй ажиллагааг хангана.

Харилцагч нь өөрийн Centrals платформын санал хүсэлтийг Premium Building Materials-н журмын дагуу авах, үүнтэй холбоотой мэдээлэлд тайлбар хүсэх эрхтэй.

Харилцагчийн захиалгатай холбоотой хуульд заасан татвар, хураамж төлөх үүрэг байвал Харилцагч энэ үүрэгтэй холбоотой асуудлаа бүрэн хариуцна.

Харилцагч нь Premium Building Materials-д хувийн мэдээллээ үнэн зөв өгөх үүрэгтэй бөгөөд өөрийн хувийн мэдээлэлд өөрчлөлт орвол ажлын 5 хоногт багтаан Premium Building Materials-д мэдэгдэнэ.

Харилцагч нь үйлчилгээг ашиглахтай холбоотой Premium Building Materials-аас өгсөн болон өөрөө үүсгэсэн эрхийн аюулгүй байдлыг хангах нэр, нууц үг, кодыг хадгалж, хамгаалах үүрэгтэй.

Харилцагч өөрийн төхөөрөмж, гар утсан дээрх үйлчилгээ, аппликэйшнүүдийг ашиглах, линк рүү орох, мэдээлэл, контент татаж авахдаа нууцлалын нөхцөлийг сайтар судлан танилцсан байх үүрэгтэй.

Premium Building Materials нь харилцагчийн хувийн мэдээллийн өөрчлөлтийг Улсын бүртгэлийн ерөнхий хуулийн 15.5.1-т заасны дагуу Улсын бүртгэлийн эрх бүхий байгууллагаас гаргуулан авах эрхтэй байна.

Харилцагч энэхүү гэрээг байгуулснаар Premium Building Materials болон түүний толгой, охин, хараат компаниуд нь харилцагчийн мэдээллийг үйлчилгээ үзүүлэх, үйлчилгээг хөгжүүлэн сайжруулах, зах зээлийн судалгаа шинжилгээний зорилгоор болон харилцагчид үйлчилгээний талаар мэдээ, мэдээлэл хүргэхэд ашиглах, харилцагчийн хууль болон гэрээнд заасан үүргийг хангуулах зорилгоор гуравдагч этгээдэд шилжүүлэхийг зөвшөөрч байгаа болно.

Premium Building Materials нь энэхүү гэрээ болон хуульд зааснаас бусад тохиолдолд харилцагчийн мэдээллийг бусдад үл задруулна.

Premium Building Materials нь эрх бүхий төрийн байгууллагаас мэдэгдэл ирсэн тохиолдолд Нэвтрэх эрхийг түр хаах эрхтэй.

Premium Building Materials- дараах тохиолдолд харилцагчийн үйлчилгээг урьдчилан сануулалгүйгээр түр хаах, гэрээг дуусгавар болгох эрхтэй. Үүнд, харилцагч:

4.2.1 Гэрээгээр хүлээсэн үүргээ зөрчсөн

4.2.2 Үйлчилгээг хууль бус үйл ажиллагаанд ашигласан

4.2.3 Худал мэдээлэл өгсөн

4.2.4 Хууран мэхэлсэн

4.2.5 Мэдүүлсэн хаягтаа оршин суудаггүй болох нь тогтоогдсон буюу хаягийн өөрчлөлтийн талаар ажлын 5 хонoгийн дотор мэдэгдээгүй

4.2.6 Premium Building Materials-н үйл ажиллагаанд саад учруулсан

4.2.7 Өөрийн үйлчилгээг Premium Building Materials-д болон бусад харилцагчдад хортой, зүй зохисгүй байдлаар ашигласан

4.2.8 Харилцагчийн эрх зүйн чадвар дуусгавар болсон

4.2.9 Central апп-аар хуурамч захиалга хийгдсэн тохиолдолд

Талууд шууд бус хохирол нэхэмжлэхгүй.

Харилцагч болон гуравдагч этгээдийн үйлдэл, эс үйлдэл, гэнэтийн болон давагдашгүй хүчин зүйлээс учирсан хохирлыг Premium Building Materials хариуцахгүй.

Харилцагч гуравдагч этгээдэд санаатай болон санамсаргүй байдлаар гар утас, төхөөрөмжөө дамжуулсан, ашиглуулсан, хэрэглүүлсэн, аль нэг программыг буруу ажиллуулсан, гар утас, төхөөрөмж нь эвдэрсэн, унтарсан, сүлжээнээс гадуур гарсан, гар утасны эрх нь хаагдсан, 90 хоногтоо орсон эсхүл төхөөрөмж гар утас, сим картаа гэрээнд зааснаас бусад байдлаар ашигласнаас гүйлгээ амжилтгүй болох гэх мэт аливаа үр дагавар, хохирол зардлыг өөрөө бүрэн хариуцна.

Premium Building Materials нь гуравдагч этгээдийн мэдээлэл, контент, аппликэйшн, үйлчилгээг татсан, хэрэглэснээс үүсэх хариуцлагыг хүлээхгүй болно. Харилцагч дээрх бүтээгдэхүүн, ажил, үйлчилгээнд нэвтрэхдээ вирусийн болон хамгаалалтын арга хэмжээ авах үүрэгтэй.

Гэрээ хүчин төгөлдөр болсноос хойш талуудын хүсэл зоригоос үл хамаарах шалтгаанаар тухайлбал гал түймэр, үер, хур тунадастай болон шороон шуурга, газар хөдлөлт, аянга цахилгаан, галт уулын болон бусад тэсрэлт, дэлбэрэлт, цаг агаарын хэт халалт ба хүйтрэлт эсхүл төрийн эрх бүхий байгууллагын шийдвэр, хорио цээрийн дэглэм, гоц халдварт өвчин, ажил хаялт, нийтийг хамарсан эмх замбараагүй байдал, үймээн самуун, зэвсэгт мөргөлдөөн, дайн (зарлагдсан болон зарлагдаагүй), террорист халдлага, улс орныг хамарсан түлш, эрчим хүчний хязгаарлалт, бүх нийтийг хамарсан сүлжээний хэт ачаалал, доголдол тасалдал зэрэг гэнэтийн буюу давагдашгүй шинжтэй нөхцөл байдлын улмаас талууд гэрээгээр хүлээсэн үүргээ биелүүлээгүй буюу зохих ёсоор биелүүлээгүй тохиолдолд хариуцлага хүлээхгүй.

Гэнэтийн буюу давагдашгүй хүчин зүйлүүдийн улмаас үүдсэн нөхцөл байдал 30 хоногоос дээш хугацаагаар үргэлжилсэн тохиолдолд гэрээг цуцлагдсанд тооцно.

Энэхүү гэрээтэй холбогдон гарч болзошгүй бүх санал зөрөлдөөн, маргааныг талууд харилцан зөвшилцөх замаар шийдвэрлэхийг эрмэлзэх бөгөөд тийнхүү шийдвэрлэж чадахгүй тохиолдолд Монгол улсын хууль тогтоомжид заасны дагуу шийдвэрлэнэ.